راولپنڈی (این این آئی)پاکستان تحریک انصاف کے رہنما شہریار ریاض، اجمل صابر، چوہدری امیر افضل اور تیمور مسعود اکبر کے نظر بندی احکامات جاری کر دئیے گئے۔
ڈی سی راولپنڈی نے پی ٹی آئی رہنمائوں کے نظربندی احکامات جاری کیے۔نوٹیفکیشن کے مطابق پی ٹی آئی رہنمائوں کو گرفتار کر کے 15 دن اڈیالہ جیل میں نظر بند کیا جائے گا، ان رہنمائوں کی نظر بندی کی سفارش محکمہ پولیس نے کی تھی۔نوٹیفکیشن میں کہا گیا کہ محکمہ پولیس کی سفارش کی توثیق ڈسٹرکٹ انٹیلی جنس کمیٹی نے کی۔
